又是隔了很久的一篇日記~ 最近過得頗為忙碌，就連上網的心機及時間都沒有...... 1-8-2007 （三） 泳池day off，終於可以多一陣了 ~ 晚上番廿一，經理一唔起度，大家都即刻變得懶散晒加一齊傾偈。 呢日好人齊，所有人都番晒黎 ！ 學佳佳話齋：老細唔係度，就算有病都要番工！ 其實基本上所有part-time同事都係以前LNSS朋友，所以大家都好好傾！ 然後呢日傾傾下我學結他事，同事靜怡突然間話有興趣，於是大家話要夾band興致越黎越高 ~ 2-8-2007 （四） 今日全日day off！感覺好似好耐了！ 下晝又成班人去學結他，歡迎靜怡加入！ 我呢一班人好似都介紹唔少人去學結他，好似我另一位同事，再加我同事兩個朋友。 夜晚同佳佳極速去m記食完之後，再join埋佳佳個partner去睇《變形金剛》，睇完有點兒暈，好彩我唔係去睇4D！可能我比較鍾意睇d比較有劇情戲，所以即使佢電腦特技做得幾好都好，都唔係my cup of tea，不過還是值得去睇睇！ 3-8-2007 （五） 又係全日day off！ 下晝陪佳佳走去沙田IVE一倘，間學校個環境都幾唔錯！有種校園寧靜感覺，不過就比較人跡罕見些少同食唔係咁方便......，之後走去沙田新城市食下午茶，其實朝早我都無食...... 然後去mk，join埋63、茹芬同阿婷去唱k，原因係大家都想去食朱古力噴泉！感覺好似好快又唱k，對上一次其實只不過係上兩個禮拜同泳池同事一齊唱。 今次我唱得好少，兩至三個鐘真係唔夠~ 走時見到有個玩打火機，眼神帶點瘋狂及恐怖男人被人制止 之後影大頭貼~ 4-8-2007 （六） 朝早番泳池，同新黎女仔Winnie一齊。照計應該係有兩個女仔同兩個男仔番，點知男仔個個都話唔得閒！其實原本我都唔係番禮拜六...... 有d高層見咁少人番發俾氣，因為每逢禮拜六、日都要另外起出面同小朋友玩遊戲，聽佢唱首豬腩肉歌，但由於太忙，結果要摺佢。呢日四個高層都起度，連傾偈都唔得...... 番完泳池番廿一，之前幫佳佳買碗碗仔翅，搞到其他同事話我引誘佢！佳佳碗翅仲要被老細好多！佢話下次要幫佢買食！後黎阿Dick講下講下講到話要去柴灣買蘿蔔，真係當正我係外賣妹 ！雖然我有時間就真係無所謂...... 5-8-2007 （日） 朝早番泳池，原本三女一男，但同事Maggie無番，結果就兩女一男。 同Susan試下買外賣番泳池食，結果一試難忘，我個飯都還好，Susan個鼓椒牛肉飯大半都係辣椒！下次睇黎都唔會幫襯...... 叫同事中尉幫我打機，果然好厲害，唔使一個lunch已經幫我打好多！ 終於見到個天落兩了！好似自從七月開始已經無落過！ 夜晚同屋企人出街食飯後竟然廿一老細竟然打電話俾我，內容大致係：「聽日買蘿蔔番黎食！」......，大家真係貪食得咁緊要嗎？ 6-8-2007 （一） 朝早又番泳池，出門時醒起唔記得帶電話，諗住番屋企，但係同時間自己又唔記得帶屋企條鑰匙...... 呢日係我自從做泳池以黎第一次無爆池一日！由於個池細，只能容納到190人，所以每日下晝都實爆池，其他好似柴池就比較大，可以容納到成千九人就從來都無點聽過爆池呢一回事。 然後放工時落大雨！原本諗住買食後先再番工......番到廿一對腳濕晒！ 同事問我點解無買食，我話太大雨無去買。有同事仲特地send sms叫我買，但我無帶電話。 老細今日又唔係度，所以（？）又係快樂一天！除茹芬打電話時候個客話要報警之外...... 7-8-2007 （二） 又番泳池，中午同阿虎同Susan去聚茶軒食lunch，哈，my favour！ 放工後又到廿一番工 8-8-2007 （三） 唔使番泳池，於是朝早同屋企人去圖書館、搞番掂張提$卡，然後飲茶。 今日特地走去柴灣買蘿蔔之後先番廿一，一下子所有同事都已經解決了！阿Dick超快，差唔多一分鐘就已經ko十舊了！ 會考放榜，但由於我識人無咩係今年考，所以都唔係好關我事。希望茹芬個細佬順順利利啦~ 今日老細又唔係度，又係輕鬆度過~ 不過老細食唔到蘿蔔，下次又會叫我再買了...... 9-8-2007 （四） Day off，終於可以起屋企好好休息一日了！ 屋企焗蛋糕，今次都算成功了！有機會又番公司請大家食！ 10-8-2007 （五） 番泳池，中午見到Kelly，成年無見了！由於Maggie同Kelly出去食，所以就決定同Billy買叮叮飯，順便幫小熊買，番去食。 番到去，有個高層話下個禮拜要我做另一份工，都係起泳池做。有d驚訝，因為無諗過下個禮拜就開始！我原本以為至少都月尾先開始！職位高，但人工少！變相升職減薪！不過呢份工計多我一個鐘頭錢，所以其實都有賺！ 下晝天文台話三點半前會改發八號，但d泳客一於少理，入場落水先算！結果佢落水唔夠三分鐘就要番上黎，因為已經改發八號。 原本今日放工去搵阿Paul學結他，結果都要cancel了！ 今日先知原來已經有成三年都無八號風球了！全部都係因為d風怕香港所以即刻掉頭吹去日本、台灣，或者大陸。之前個萬宜明明見佢吹正香港，點知都即刻360度走去日本...... 最近大家都話我個樣1.面色唔好2.精神唔好3.似病病地，所以總結：最近休息唔多，忙住做，得唔多或得太多（我一得太多反而精神唔好！）。原本想禮拜四游水，但因為落雨所以都無去游。以前以為一做泳池就會成日游水，點知自從做呢份工開始就無游過水！見到d泳客、教練成日游，反而羨慕...... To Janice Ng：宜家我都唔夠時間用了！睇黎我之間游水之約要下年先實行到了！ | 
~
，耐到我都唔係好識用xanga呢！
