近排唔係好想打字，連寫字都唔係好想，所以前幾排就算有想打出黎到最後都無打。 講下近況~ 13/6 去poly interview，不過其實都只不過係一個gathering形式。 in完之後同茹芬去買焗爐（好突然傾開電話之後即刻落車去買）。 收到電話，遲會同ET以及ET個朋友做同事。 14/6 原本諗住同阿靜同Janice Ng去游水，由於落雨關係，由原定去維園轉去西灣河，點知去到時候個工作人員話泳池緊急維修！所以最後就走去食甜品同行去太古。 等人途中去西灣河漫畫舖，有隻黑貓好得意，會伸條俐出黎覺~ 
15/6 再接再厲，又再去游水！由於港島個個室內泳池都維修緊，而且又落雨，所以就走去九龍公園游水。差唔多成六年無去九龍公園游水啦，同記憶中一樣個更衣室開大冷氣，搞到我又好似以前一樣，游完水狂流鼻水 。游水期間遇到搞笑，仲有一對好噁心情侶......，佢做咩令到我三個狂笑？都係唔講啦~唔想俾人話我......，哈 ~ 16/6 去探婆婆，中途好塞車~ 見到婆婆咁憂心，都唔知講咩好...... 17/6 剛好父親節同阿媽生日一齊，但家姐去迪迪尼玩，所以就過一個都唔似父親節父親節...... 22/6 去阿Paul度學結他，但因為佳佳佢練緊隊band出show，所以到最後我都無學。睇下學成點啦，可能會join band...... 其實我到宜家都好想學番viola，但好少地方有得學，要學就只有學violin，但唔想買琴了......屋企已經有兩個viola，遲又要買結他...... 23/6 約家姐去中環買錶，見到有一隻唔錯就買落黎。 行陣突然收到杜邦打電話黎話今晚library人想聚舊，應承~ 然後同家姐加佢bf去黃埔睇《綁架》（其實都係突然間決定），之前睇影評講得部戲唔係太好，但睇完後都覺ok~ 之後火速番屋企後再趕去CWB，有Heidi、阿男、杜邦，同埋有差唔多成三、四年無見Ketty同芷齡。 去食差唔多兩年無食任食壽司，之後去打機（同杜邦玩其中一部機玩到氣喘.......），再去Paris Cafe飲~ 今日講起，原來同杜邦、Heidi佢都識成七、八年了！好似好快過！ 唔知我又會唔會有下一個七、八年呢？會唔會每年都可以大家約出黎見一、兩次呢？ 咁多年無咩點見，始終覺得阿男個樣加身形變得最多。上年九月gathering時候見到阿男我真係差認唔出係佢！ 有時見番朋友成好幾年無見，去外國讀書，但番到黎都仲約番成班人出黎聚會，真係會覺得好開心！ 大家一致認為中三年起library玩得最顛，都係最開心一年！ 唔知點解講番起以前library同埋中三時候事，成日都會覺得好大感觸......！ 杜邦講開去打war game，問我去唔去，其實都有心動想去玩下，但怕痛XD，都係睇時間啦~ 點解某人份暑期工會有咁高人工，about 11K per month？？？ 
24/6 經過一波六折後，終於去拜阿公了~
買遊戲機，原本諗住買白色，但之後又覺得好易有污跡，所以都係買黑色！ 唔知點解想考番個拯溺章，但宜家狀態好差，呢幾年都好少去練水，要回復番狀態睇黎要努力先至得！不過遲我就經常可以有機會練水了......另外都想考番個壁球牌...... 計劃起假期做事完成好幾件了，只有一、兩件真係無能為力做唔到。 好似愈黎愈少人打xanga，唔知點解~ 雖然開個facebook，但到宜家都仲唔係好識用，而且都好少用...... To Janice Ng: 生日快樂！歡迎加入2字頭行列 ！ | 
